Home
You Are Here: Home » News » Tamil Nadu » Chennai » சென்னை டி.எம்.எஸ். வளாகத்தில் 3 வது நாளாக உள்ளிருப்பு போராட்டத்தில் ஈடுபட்டு வரும் செவிலியர்கள் இன்று உண்ணாவிரத போராட்டத்தில் குதித்துள்ளனர்.

சென்னை டி.எம்.எஸ். வளாகத்தில் 3 வது நாளாக உள்ளிருப்பு போராட்டத்தில் ஈடுபட்டு வரும் செவிலியர்கள் இன்று உண்ணாவிரத போராட்டத்தில் குதித்துள்ளனர்.

 

சென்னை டி.எம்.எஸ். வளாகத்தில் 3 வது நாளாக உள்ளிருப்பு போராட்டத்தில் ஈடுபட்டு வரும் செவிலியர்கள் இன்று உண்ணாவிரத போராட்டத்தில் குதித்துள்ளனர்.

 

பணி நிரந்தரம், ஊதிய உயர்வு உள்ளிட்டகோரிக்கைகளை வலியுறுத்தி சென்னை தேனாம்பேட்டையில் உள்ள டி.எம்.எஸ். வளாகத்தில் 3 ஆயிரத்துக்கும் மேற்பட்ட செவிலியர்கள் உள்ளிருப்பு போராட்டத்தில் ஈடுபட்டு வருகின்றனர்.

ஒப்பந்த அடிப்படையில் பணியமர்த்தப்பட்ட 11 ஆயிரத்திற்கும் மேற்பட்ட செவிலியர்கள் பணி நிரந்தரம் செய்யப்படவில்லை என்றும் அவர்கள் புகார் தெரிவித்துள்ளனர்.

இவர்கள் கடந்த 2 நாட்களாக உள்ளிருப்பு போராட்டத்தில் ஈடுபட்டு வந்தனர். செவிலியர்களின் போராட்டம் காரணமாக அரசு மருத்துவமனைகளில் நோயாளிகள் கடும் இன்னலுக்கு ஆளாயினர். இதனைத் தொடர்ந்து நேற்று மாலை சுகாதாரத்துறை அமைச்சர் விஜயபாஸ்கர், செவிலியர்கள் பிரதிநிதிகளுடன் பேச்சுவார்த்தையில் ஈடுபட்டார். அப்போது, பணி நிரந்திரம் உள்ளிட்ட செவிலியர்களின் 90 சதவிகித கோரிக்கைகள் ஏற்பட்டுள்ளதாகவும், இதனை நடைமுறைப்படுத்த கால அவகாசம் வேண்டும் என்றும் தெரிவித்தார்.

 

அமைச்சருடனான பேச்சுவார்த்தையை அடுத்து, ஒரு தரப்பினர் போராட்டத்தை திரும்பப் பெறுவதாக அறிவித்தனர். ஆனால், பணி நிரந்தரம், ஊதிய உயர்வு தொடர்பான அரசாணை வெளியிடப்பட்டால் மட்டுமே தங்களின் போராட்டம் வாபஸ் பெயப்படும் என ஒரு தரப்பினர் தெரிவித்துள்ளனர். இவர்கள், நேற்று இரவும் டி.எம்.எஸ். வளாகத்திலேயே உள்ளிருப்பு போராட்டத்தை தொடர்ந்தனர். இதனால், அங்கு ஏரளமான போலீசார் குவிக்கப்பட்டதால் பதற்றம் ஏற்பட்டது.

 

இன்றைக்குள் போராட்டத்தில் ஈடுபட்டுள்ள செவிலியர்கள் பணிக்கு திரும்பவில்லை எனில் பணீ நீக்க உத்தர பாயும் என சுகாதாரத்துறை சார்பில் எச்சரிக்கை விடுக்கப்பட்டது. போராட்டம் நடைபெறும் இடத்தில் குடிநீர் மற்றும் கழிவறை வசதிகள் நிறுத்தப்பட்டதால் குழந்தைகளுடன் போராடடத்தில் ஈடுபட்டுள்ள செவிலியர்கள் இன்னலுக்கு ஆளாகி உள்ளனர். இதனிடையே, உள்ளிருப்பு போராட்டத்தில் ஈடுபட்டுள்ள செவிலியர்கள் தற்போது உண்ணாவிரத போராட்டத்திலும் ஈடுபட்டுள்ளதால் அங்கு பரபரப்பு ஏற்பட்டுள்ளது.

About The Author

Number of Entries : 5562

Leave a Comment

© Captain Media Pvt Ltd

Scroll to top