Home
You Are Here: Home » News » தினகரன் ஆதரவு எம்.எல்.ஏக்கள் 18 பேர் தகுதி நீக்கம் செய்தது தொடர்பாக வழக்கு விசாரணையை நவம்பர் 2ம் தேதி ஒத்திவைத்து சென்னை உயர்நீதிமன்றம் உத்தரவு

தினகரன் ஆதரவு எம்.எல்.ஏக்கள் 18 பேர் தகுதி நீக்கம் செய்தது தொடர்பாக வழக்கு விசாரணையை நவம்பர் 2ம் தேதி ஒத்திவைத்து சென்னை உயர்நீதிமன்றம் உத்தரவு

தினகரன் ஆதரவு எம்.எல்.ஏக்கள் 18 பேர் தகுதி நீக்கம் செய்தது தொடர்பாக வழக்கு விசாரணையை நவம்பர் 2ம் தேதி ஒத்திவைத்து சென்னை உயர்நீதிமன்றம் உத்தரவிட்டுள்ளது

முதலமைச்சர் எடப்பாடி பழனிசாமி மீது நம்பிக்கையில்லை எனக் கூறி, தினகரன் ஆதரவு எம்எல்ஏ-க்கள் 19 பேர் ஆளுநரிடம் தனித்தனியே கடிதம் அளித்ததை அடுத்து, அவர்களைத் தகுதி நீக்கம் செய்ய வேண்டும் என அதிமுக தலைமை கொறடா ராஜேந்திரன், கடந்த ஆகஸ்ட் 24ம் தேதி சபாநாயகர் தனபாலுக்கு பரிந்துரை செய்திருந்தார்.

இதனையடுத்து, அவர்களிடம் விளக்கம் கேட்டு சபாநாயகர் நோட்டீஸ் அனுப்பியிருந்தார். இதில், ஜக்கையனின் விளக்கத்தை மட்டும் ஏற்றுக் கொண்ட தனபால், மற்ற 18 பேரையும் கடந்த செப்டம்பர் 18ம் தேதி தகுதி நீக்கம் செய்து உத்தரவிட்டார். இதனையடுத்து, 18 எம்எல்ஏ-க்களும் சென்னை உயர்நீதிமன்றத்தில் வழக்கு தொடர்ந்தனர்.

வழக்கை விசாரித்த நீதிபதி துரைசாமி, 18பேரை தகுதி நீக்கம் செய்யப்பட்டதற்கு தடை விதிக்க முடியாது என்று தீர்ப்பளித்தார். மேலும், காலியாக உள்ளதாக அறிவிக்கப்பட்ட 18 தொகுதிகளுக்கும் இடைத்தேர்தல் நடத்தக் கூடாது எனவும் நீதிபதி உத்தரவிட்டார்.

இதனிடையே இந்த வழக்கை விசாரித்த நீதிபதி துரைசாமி மாற்றப்பட்டு, புதிய நீதிபதியாக ரவிச்சந்திரபாபு நியமிக்கப்பட்டார்‍. இந்நிலையில் இந்த வழக்கு இன்று மீண்டும் விசாரணைக்கு வந்தபோது எம்எல்ஏக்கள் தரப்பில் ஆஜரான வழக்கறிஞர் அபிஷேக் சிங்வி, 18பேரை தகுதி நீக்கம் செய்தது சட்டவிரோதமானது என வாதிட்டார்‌.

அரசு தரப்பில் ஆஜரான மூத்த வழக்கறிஞர் வைத்தியநாதன்‌, வழக்கில் பதில் அளிக்க கூடுதல் அவகாசம் வழங்க வேண்டும் என கோரிக்கை விடுத்தார்.

இருதரப்பு வாதங்களை கேட்டறிந்த நீதிபதி, அக்டோபர் 23-ஆம் தேதிக்குள் டிடிவி தினகரன் தரப்பு, முதல்வர், சபாநாயகர் உள்ளிட்டோர் தரப்பு ஆவணங்களை தாக்கல் செய்ய வேண்டும் என உத்தரவிட்டார். இந்த வழக்கில் முதல்வர் எடப்பாடி பழனிச்சாமி பதில் அளிக்க உத்தரவிட்ட நீதிபதி, வழக்கு விசாரணையை நவம்பர் 2ம் தேதிக்கு ஒத்திவைத்தார்‍

About The Author

Number of Entries : 5552

Leave a Comment

© Captain Media Pvt Ltd

Scroll to top